ANaMed – New Generation 2025 халықаралық форумы
2025 жылғы 4–5 маусымда Алматы қаласында «С.Д. Асфендияров атындағы Қазақ ұлттық медицина университеті» КЕАҚ базасында өткен ANaMed – New Generation 2025 халықаралық форумында «Заманауи технологиялар және дербестендірілген медицина» секциясының төрағасы әрі модераторы ретінде ревматология кафедрасының меңгерушісі, PhD Исаева Самал Мұхаметқалиевна қызмет атқарды.
Сессия барысында теориялық баяндамалар практикалық денсаулық сақтау жүйесіне жасанды интеллект технологияларын енгізудің нақты мысалдарымен ұштастырылды. Медицина ғылымдарының докторы, кафедра профессоры Тоғызбаев Г.А.-ның жетекшілігімен 1-курс резиденттері Мақсот Д., Қожамуратова Ж., Ермекбай Д., Әліхан Г. «Подаграмен ауыратын науқастар регистрі: клиникалық тәжірибені жақсарту үшін деректерді жүйелеу» тақырыбында баяндама жасап, жүлделі екінші орынға ие болды.
Зерттеу нәтижелері ANaMed тезистер жинағында жарияланды.
«Қазақстан ревматологтарының IX Жазғы мектебі» ғылыми-практикалық конференциясы
2025 жылғы 27–28 маусымда Астана қаласында өткен IX Жазғы ревматологтар мектебі Қазақстанның түкпір-түкпірінен келген жетекші мамандарды, медициналық жоғары оқу орындарының оқытушыларын және ревматология бағдарламаларының резиденттерін біріктірген ауқымды білім беру алаңына айналды.
Кафедра қызметкерлері баяндамалар жасап, конференция секцияларына модераторлық етті.
Аталған конференцияда ревматология кафедрасының резиденттері келесі клиникалық жағдайларды ұсынды: жүйелі қызыл жегі бойынша – 1-курс резиденттері Сәтім О.Қ., Кәрібай С.; дәнекер тіннің аралас ауруы бойынша – Омарғали К.С.; полиангиитпен жүретін гранулематоз бойынша – Даулетбаева Д., Сейдахмет А.; ревматологиядағы цифрлық құралдарды қолдану тақырыбында – Сәтім О.Қ. Баяндамалар клиникалық кемелдігімен, диагностика мен емдеуге дәлелді әрі негізделген көзқарасымен, сондай-ақ ұсынылған материалдарды талқылауға ғылыми және клиникалық жетекшілердің белсенді қатысуымен ерекшеленді.
Тікелей диалог форматындағы жұмыс, аудиториядан қойылған сұрақтар мен клиникалық шешімдерді жан-жақты талдау резиденттердің кәсіби өсуіне ықпал етіп, мектептің болашақ мамандардың тәжірибеге бағдарланған ойлауын қалыптастырудағы маңызын айқындады.
Жазғы мектеп жұмысы қорытынды шығарумен және Қазақстандағы білім беру бағдарламалары мен клиникалық ревматологияны одан әрі дамытудың басым бағыттарын айқындаған қорытынды қарар қабылдаумен аяқталды. Конференция кәсіби алаң ретіндегі маңызын тағы да дәлелдеп, буындар сабақтастығын нығайтуға және ұлттық ревматология мектебінің дамуына серпін берді.
«Қазақстан ревматологтарының XI Қысқы мектебі» ғылыми-практикалық конференциясы
Ревматология кафедрасы Қалалық ревматологиялық орталықпен бірлесіп, 2025 жылғы 5–6 желтоқсанда халықаралық қатысумен Қазақстан Республикасының ревматологтарының кезекті XI Қысқы мектебін өткізді. Конференция Қазақстанның түрлі өңірлері мен шетелден келген жетекші сарапшыларды, тәжірибелі дәрігерлерді және жас мамандарды біріктірген маңызды кәсіби оқиғаға айналды.
Аталған мектеп аясында кафедра резиденттері: Пелениченко Т.С., Полатхан А.Д., Ерсултанова С.К., Нариманқызы Ж. баяндама жасап, клиникалық ойлау деңгейінің жоғарылығын, ревматикалық аурулардың патогенезін терең меңгергенін және заманауи диагностикалық-емдеу алгоритмдерін сенімді қолдана алатынын көрсетті.
Ұсынылған клиникалық жағдайлар — ересектердегі Стилл ауруы, Такаясу синдромы, сирек кездесетін қосарланған аутоиммундық жағдайлар — аудиторияның зор қызығушылығын тудырып, танымал сарапшылардың қатысуымен өткен кәсіби пікірталастарға негіз болды. Жас дәрігерлердің баяндамалары буындар сабақтастығын және қазақстандық ревматологияның болашағының зор әлеуетін айқын көрсетті.
Бұл бағыттың логикалық жалғасы ретінде еліміздің барлық өңірлерінен келген 1 және 2 курс резиденттері қатысқан жас ғалымдар байқауы өтті. Байқау бағдарламаның ең серпінді әрі эмоциялық тұрғыдан мазмұнды бөлімдерінің біріне айналды. Ұсынылған ғылыми жұмыстар тәжірибелік бағыттылығымен, ғылыми негізділігімен және нақты клиникалық тәжірибе үшін өзектілігімен ерекшеленді.
Айта кету керек, ревматология кафедрасының резидентура түлегі Әмір А. қазылар алқасының мүшелерінің бірі болды. Талқылау ашық диалог форматында өтті. Сарапшылар алқасы ұсынылған зерттеулердің сапасын ғана емес, сонымен қатар қатысушылардың сенімді баяндауын, клиникалық кемелдігін және зерттеушілік ынтасын жоғары бағалады. Жүлделі орындарды ҚазҰМУ-дың ревматология кафедрасының 1 және 2 курс резиденттері иеленді: І орын – Омарғали Қ., ІІ орын – Розыбакиева С.
XI Қысқы ревматологтар мектебі тағы да кәсіби өсуді, тәжірибе алмасуды және ревматология саласының заманауи сын-қатерлеріне жауап бере алатын жаңа буын мамандарын қалыптастыруды қамтамасыз ететін маңызды білім беру және ғылыми алаң ретіндегі мәртебесін растады.
